Naturbruk

Vg1 Naturbruk:

Du vil få ei spennande veksling mellom teori og praksis. Aktivitetane på skulen er praktisk retta der du vil læra om akvakultur, livet i havet og i ferskvatn, fiske og fangst. Du vil få mange fine turar som også vil omfatte overnatting i lavo, telt og snøhole. Skulen har eigen båt som vert nytta i undervisninga. Du vil få sikkerheitskurs for sjøfolk (STCW/IMO50) og tilbod om å ta båtførarprøven. I løpet av skuleåret vil du få 30 dagar opplæring i ei bedrift innan akvakultur eller fiskeri.

Læreplan i vg1 naturbruk

Vg2 Akvakultur:

Du vil få grundig innføring i teori og praksis ved oppdrett av laks, rensefiske som rognkjeks og leppefisk, og marine artar som kveite, torsk, blåskjell og kamskjell. Du vil lære korleis ein produserer god og sunn sjømat ved hjelp av moderne teknologi på mange ulike område. Opplæringa dekker alt frå biologi til avansert datastyrte system for overvåking og prosessstyring. Du vil få opplæring til å ta kran sertifikat og bruk av radiokummunikasjon. I tillegg vil du få tilbod om sertifisering i dekksoffiser klasse 6 (D6) På vg2 vil 9 veker av opplæringa vere ute i ei oppdrettsbedrift. her kan du prøve ut korleis det er å arbeide i oppdrettsnæringa, og sjå samanheng mellom teori og praksis.

Læreplan i Vg2 akvakultur

Fagbrev- fagarbeidar

Etter fullført vg2 i akvakultur kan du ta fagbrev i akvakulturfaget  eller havbruksteknikkfaget (frå 2021). Havbruksteknikkfaget har ei tydeleg teknisk vinkling og akvakultur har ei tydeleg biologisk vinkling.  Som fagarbeider/driftsoperatør i  akvakultur jobbar du med produksjon av oppdrettsorganismer på oppdrettsanlegg, både landbasert og på sjø, og sjå samanheng mellom biologisk produksjon og tekniske løysingar. 

Fagarbeider/driftsoperatør i havbruksteknikk jobbar med drift og vedlikehald av tekniske løysingar og installasjonar knytta til akvakulturanlegg både på land og på sjø.

Det er framleis produksjon av laks som er den største produksjonen og har flest arbeidsplassar. Men også andre produskjoner som oppdrett av torsk, kveite, leppefisk (rensefisk) og tang og tare er aktuelle arbeidsplasser. Produksjon av laks er ein kontinuerleg prosess frå klekkeri til slakteri. Den vert vanlegvis delt i 2 deler; settefisk som foregår i ferskvatn i anlegg på land, og matfisk i oppdrettsanlegg på sjø.

Vegen til fagbrev:

Lærling:
For å verta lærling i akvakulturfaget eller havbruksteknikkfaget må du ha gjennomført 2 år på vidaregåande skulen, vg1 Naturbruk og vg2 Akvakultur. Læretida er 2 år for begge faga.

Etter læretida kan du få stilling som fagarbeidar eller  gå  vidare på påbygg som kvalifiserer deg til høgskule og universitet.

Læreplan i akvakulturfaget vg3 / opplæring i bedrift