Er du interessert i teoretiske fag og ønskjer å studere ved universitet eller høgskule seinare? Då kan du velje studiespesialisering. Utdanninga er treårig og fører fram til generell studiekompetanse. Du kan òg velje fag som gir spesiell studiekompetanse.
Kva er Studiespesialisering?
Studiespesialisering er eit utdanningsprogram som gir deg moglegheit til å fordjupe deg i teoretiske fag. Programmet er delt inn i to hovudretningar:
- Realfag
- Språk, samfunnsfag og økonomi.
Du kan velje fagkombinasjonar som passar dine interesser og framtidige utdanningsplanar.
Kvifor velja studiespesialisering?
Å velje studiespesialisering gjer at du får eit breitt grunnlag for høgare utdanning. Du får kompetansen du treng for å studera vidare, utan å ha bestemt deg for eit spesifikt yrke. Denne studieretninga held mange moglegheiter opne, og gjer at du får tid til å utforske kva du vil satsa på i framtida, samtidig som du byggjer den nødvendige faglege bakgrunnen for vidare studiar.
- Breidt fagtilbod: Du kan velje mellom ei rekkje fag som matematikk, fysikk, kjemi, biologi, samfunnsfag, språk og økonomi.
- Førebuing til høgare utdanning: Programmet gir eit godt grunnlag for vidare studiar ved universitet og høgskular, både i Noreg og internasjonalt
- Fleksibilitet: Du kan skreddarsy ditt eige utdanningsløp ved å velje fag som passar dine interesser og karriereplanar.
Opptakskrav og struktur
Studiespesialisering er eit treårig løp som startar med eit felles første år (VG1), der du får ei brei innføring i ulike fag. I andre og tredje år (VG2 og VG3) vel du fordjupingsfag innanfor anten realfag eller språk, samfunnsfag og økonomi.
Les meir om utdanningsprogrammet på vilbli.no
